មួយថ្ងៃគ្រោះថ្នាក់ចរាចរណ២ករណីបណ្តាលឲ្យមនុស្សស្លាប់ម្នាក់របួសធ្ងន់ម្នាក់
31-December-2017 | ដោយ ពលមនសិការ
ពោធិ៍សាត់ ៖ យ៉ាងហោចណាស់គ្រោះថ្នាក់ចរាចរណ៍២ករណីផ្សេងបានកើតឡើង នៅក្នុងទឹកដីខេត្តពោធិ៍សាត់។
ករណីទី១-កាលពីថ្ងៃទី៣០ ខែធ្នូ ឆ្នាំ ២០១៧វេលាម៉ោង ១៦ និង៣០នាទី នៅលើផ្លូវជាតិលេខ៥ ចន្លោះគីឡូម៉ែត្រ លេខ ១៦៨-១៦៩ ស្ថិតនៅភូមិកណ្តុរស ឃុំបឹងកន្ទួត ស្រុកក្រគរ ខេត្តពោធិ៍សាត់។ បង្ករឡើងដោយរថយន្តម៉ាកលុចស៊ីស RX 330 ពណ៌ស ពាក់ស្លាកលេខ ភ្នំពេញ 2X-1806 បើកបរដោយឈ្មោះ សំ ពិសិដ្ឋ អាយុ ៣០ ឆ្នាំ ភេទស្រី ជនជាតិខ្មែរ នៅភូមិរំចេក ៤ សង្កាត់រតន ក្រុង/ខេត្តបាត់ដំបង ។
ធ្វើចរាចរ ពីលិចទៅកើត លុះដល់ចំណុចកើតហេតុខាងលើបានបុកមនុស្សដើរឆ្លងថ្នល់ ពីជើង ទៅត្បូង បណ្តាលឲ្យរងរបួសធ្ងន់ជនរងគ្រោះឈ្មោះ ម៉ៅ ស្នា អាយុ ៨ឆ្នាំ ភេទប្រុស ជនជាតិខ្មែរ នៅភូមិកណ្តុរស ឃុំបឹងកន្ទួតស្រុកក្រគរ បញ្ជូនទៅមន្ទីរពេទ្យខេត្តពោធិ៍សាត់ ។
ករណីទី២-កាលពីថ្ងៃទី៣០ ខែធ្នូ ឆ្នាំ២០១៧ វេលាម៉ោង២២និង៤០នាទី នៅលើផ្លូវជាតិលេខ ៥ចន្លោះគីឡូម៉ែត្រលេខ ១៥០-១៥២ ស្ថិតនៅភូមិឈើទាលខ្ពស់ ស្រុកក្រគខេត្តពោធិ៍សាត់ ។ រថយន្តបង្ករម៉ាក TOYOTATUNTRA ពណ៌ទឹកមាស ពាក់ស្លាកលេខ ភ្នំពេញ 2AF-5215បើកបរដោយឈ្មោះ ឃ្លាំង រតន ភេទប្រុស អាយុ២៩ឆ្នាំ ជនជាតិខ្មែរ នៅភូមិព្នៅ ឃុំព្នៅ ស្រុកព្រែកព្នៅ ក្រុងភ្នំពេញ។ ធ្វើចរាចរពីលិចទៅកើត លុះមកដល់កន្លែងកើតហេតុខាងលើបានបុកម៉ូតូម៉ាក C125 ពណ៌ខ្មៅ ពាក់ស្លាកលេខ បាត់ដំបង1F-4116 ធ្វើចរាចរពីកើតទៅលិច ច្រាសទិសគ្នា បើកបរមិនប្រកាន់ស្តាំ បណ្តាលឲ្យអ្នកបើកបរម៉ូតូ ស្លាប់នៅនឹងកន្លែងកើតហេតុ ។
ជនរងគ្រោះមិនស្គាល់អត្តសញ្ញាណទេ ពាក់អាវពណ៌ខ្មៅដៃវែង ស្លៀកខោគគីរ ព៌ណស ។ វត្ថុតាងរថយន្តនិងម៉ូតូយកមករក្សាទុកនៅអធិការដ្ឋាននគរបាលស្រុក ៕
ចំនួនអ្នកទស្សនា
- ថ្ងៃនេះ1971
- ម្សិលមិញ5511
- សប្តាហ៍នេះ35671
- ខែនេះ98101
- ឆ្នាំនេះ700281
- សរុប21142737